راجع تعتذر وتكلي غلطان....

راجع تعتذر وتكلي غلطان....
ونادم عالجرة وياك من اديه
هبط عليك الوحي لو انت حلمان؟؟
وتذكرت الجرة منك عليه..
مـتأسف تكلي وحيل ندمان؟
وذنـوبي معاك اغـفـرها ليـه

هـذه انته صدك لو انه وهمان!
الجـرالك شنهو فهمني القضيه

صحه بيك الضمير الجان نعسان
بـعـد ما ورجت شمـاتي بيه

فـهمني شجنيت وياك يفلان
حـته استحق كل هاي الاذيه

امـد جفي الك للوصل ولهان
ابـاوع مالكيت جـفوف بيه

تكصهن وبرود بدون وجدان
لابـل فوكهن كصيت اديـه

القساوه البيك ماشايلها انسان
ولا واحد شهدها من الـبريه

مو ضيمك شمرته ابحر نسيان
وردت انساك وانسه الصاربيه

ليش ترجع البيه جنت خسران
وترجعلي المضه وتحيي القضيه

صحيت اني بعد ما اقبل انخان
ولا اقبل بعد تضحك عليـه

جمراتك جوني وصرت وجعان
طـفيهن ورد بعديـن ليـه..